வரலாற்றுச் செய்திகள்

வங்கக் கடற்கரையில் கடல் அலைகளை வருடியபடி கரையின் வெகு அருகாமையில் மிக இயற்கையான சூழலில் ஆலம்பறை கோட்டை காணப்படுகிறது. இக்கோட்டை கி.பி. 17 ஆம் நூற்றாண்டின் இறுதியில் முகலாய அரசால் கட்டப்பட்டதாக தெரிய வருகிறது. கி.பி. 1735-ல் இது நவாப் தோஸ்து அலிகானின் ஆளுகைக்கு உட்பட்டிருந்தது. பிரெஞ்சு தளபதியான புகழ்பெற்ற டுப்ளே தனக்களித்த உதவியைப் பாராட்டி இக்கோட்டையைத் தக்காணச் சுபேதார் முஸாபர்ஜங், பிரெஞ்சுகாரருக்கு கி.பி. 1750-ல் அன்பளிப்பாகக் கொடுத்துள்ளார். பிரெஞ்சு ஆட்சியின் வலிமை தளர்ந்த போது ஆங்கில தளபதி கி.பி. 1760-ல் இக்கோட்டையைக் கைப்பற்றி இதைத் தகர்த்திருக்கிரார்.

தற்போது கோட்டையின் சிதைந்த பகுதி மட்டுமே காணப்படுகிறது. இது பரந்து விரிந்த பரப்பில் முழுதும் செங்கந்களால் கட்டப்பட்ட கோட்டையாகும். கோட்டையின் சுவர்களும், கொத்தளங்களும் படையெடுப்பாலும் கடற்காற்றின் வேகத்திற்கு ஈடு