பராந்தக மன்னனின் அரசியும், பழுவேட்டரையரின் மகளுமான அருண்மொழி நங்கையின் பரிவாரத்தில் இருந்த பெண் ஒருத்தி கொடுத்த தானம் பற்றி ஒரு கல்வெட்டு கூறுகின்றன. இக்கோயிலில் மாசிமகம் விழா எடுக்கப்படுவதைப் பற்றியும் பல கல்வெட்டுகள் பிற கொடைகளைப் பற்றியும் கூறுகின்றன.

இக்கோயில் கருவறையும், அர்த்தமண்டபமும் உடைய எளிமையான கோயிலாகும். விமானம் ஏகதள விமானம் ஆகும். ஆதிஷ்டானம் முதல் சிகரம் வரை கருங்கல்லால் எழுப்பப்பட்டுள்ளது. ஒரு விதமான பழுப்பு நிறக்கல்லில் கோயில் காட்சியளிக்கிறது. அழகிய நாட்டிய அணங்குகள், மத்தள கலைஞர்கள் போன்ற பல்வேறு நடன மற்றும் இசைக்கலைஞர்கள் உருவங்கள் சிற்பங்களாகச் செதுக்கப்பட்டுள்ளன. கோயில் அதிஷ்டானத்தில் இராமாயன நிகழ்ச்சிகளைக் கூறும் சிறுசிறு புடைப்புச்சிற்பங்கள் காணப்படுகின்றன.

முற்காலத்தில் இக்கோயில் கருங்கல் தூண்களின் துணையுடன் செங்கற்களால் கட்டப்பட்டிருக்க வேண்டும் என்பதை உறுதிப்படுத்தும் வகையில் பல்லவர்களின் தூண்கள் இங்கு உள்ளன. பராந்தகனின் காலத்திய இது கற்றளியாகக் கட்டப்பட்டுள்ளது. பிற்காலத்தில் இக்கோயில் பிடாரி கோயிலாக மாற்றப்பட்டுள்ளது.

அமைவிடம் : சென்னையிலிருந்து 342 கி.மீ தொலைவில் தஞ்சாவூரில் இருயது சுமார் 32கி.மீ தொலைவில் உள்ளது.

வட்டம் : தஞசாவூர்

சின்னம் அறிவிக்கப்பட்ட நாள்: அ.ஆ.எண். 274/த.வ.ப. துறை/நாள்/27.08.87