தேரிருவேலி, இராமநாதபுரம் முதுகுளத்தூர் வட்டத்தில் முதுகுளத்தூருக்குக் கிழக்கே 20 கி.மீ. தொலைவிலும், இராமநாதபுரத்திற்கு மேற்கே 33 கி.மீ. தொலைவில் அமைந்துள்ளது.

அகழாய்வில் சிவப்பு வண்ணப் பானை ஓடுகள், கருப்பு வண்ணப் பானை ஓடுகள், கருப்பு மற்றும் சிவப்பு வண்ணப் பானை ஓடுகள், சாம்பல் வண்ணப் பானை ஓடுகள், ரோமானிய ரௌலட்டடு பானை ஓடுகள், சிவப்பு வண்ணம் பூசப்பட்ட பானை ஓடுகள் மற்றும் குறியீடுகளுடன் கூடிய பானை ஓடுகள் ஆகியவை கணிசமான அளவில் சேகரிக்கப்பட்டன.

குறியீடு கொண்ட பானை ஓடுகள் 50, மௌரியப் பானை ஓடுகள் (வடநாட்டு கருப்பு பூச்சுப் பானை ஓடுகள்) மற்றும் எழுத்து பொறிக்கப்பட்ட பானை ஓடுகள் 6, அகழாய்வுகக் குழியிலிருந்து சேகரிக்கப்பட்டது. குறியீடு கொண்ட பானை ஓடுகளில் இரண்டில் மீன் உருவம் கீறப்பட்டுள்ளது.