செய்திகள் :
- 19, Dec 2024, Thursday
தமிழ்நாடு அரசு இசைக்கல்லூரி, சென்னை
தமிழ்நாடு அரசு இசைக்கல்லூரி, சென்னை
- டாக்டர் டி.ஜி.எஸ். தினகரன் சாலை,ராஜா அண்ணாமலை புரம்,சென்னை - 600028,
- தொலைபேசி எண்: 044 - 24937217,
- மின் அஞ்சல் : tngmusiccollege28@gmail.com
எங்களை பற்றி
- தமிழகத்தின் உயரிய இசைப் பாரம்பரியத்தை பாதுக்காத்து, வளர்க்க வேண்டும் என்று மத்திய, மாநில அரசுகள் 1949 ஆண்டு திட்டமிட்டது. நமது பாரம்பரிய இசையின் மீது இளம் தலைமுறையினருக்கு உள்ள மரபுரிமையை வலியுறுத்திடவும், இசையின் தொன்மை மாறாமல் சிறப்பாக பாதுக்காத்திட, இசை மேல் பயிலும் ஆர்வம் கொண்டவர்களுக்கு வாய்ப்புகள் வழங்குவது அவசியம் என உணர்ந்து சென்னை மாகாணத்தின் மேனாள் கல்வி அமைச்சர் திரு.டி.எஸ்.ஏ.அவிநாசிலிங்கம் செட்டியார் அவர்கள் பேராசிரியர் திரு.பி.சாம்பமூர்த்தி அவர்கள் உதவியுடன் இசைக்கல்வியகம் தொடங்கிட முயற்சிகள் மேற்கொண்டார். மத்திய , மாநில அரசுகளின் நிதி ஆதரவில் 1949 ஆகஸ்ட் மாதம் மத்திய கர்நாடக சங்கீத கல்லூரி தோற்றுவிக்கப்பட்டது. பேராசிரியர் திரு.பி.சாம்பமூர்த்தி அவர்கள் ஆலோசனைக்குழுவின் பொறுப்பாளரனார். இக்கல்லூரி தொடக்கத்தில் சந்தோமில் உள்ள ரகமத் பாக் எனும் கட்டிடத்தில் இரண்டு ஆண்டுகள் செயல்பட்டது. போதுமான இடமின்மைக் காரணமாக அடையாறில் உள்ள பிரிட்ஜ் ஹவுஸ் கட்டிடத்திற்கு மாற்றப்பட்டு ஜந்து ஆண்டுகள் இயங்கியது. சங்கீத கலாநிதி முசிறி சுப்பிரமணிய அய்யர் இக்கல்லூரியின் முதல் முதல்வராக பொறுப்பேற்று சிறந்த இசைக்கலைஞர்கள் ஆசிரியர்களாக அமைந்து கல்லூரி சீரிய முறையில் இயங்கியது. மாணவர்கள் எண்ணிக்கை அதிகரித்த காரணத்தினால் இக்கல்லூரி கிரீன் வேஸ் சாலையில் பிராடி கேசில் (Brodie Castle) என்னும் கட்டிடத்திற்கு மாற்றப்பட்டது. இக்கட்டிடம் தென்றல் என பெயர் மாற்றப்பட்டது.
- 2014-ஆம் ஆண்டு முதல் தமிழ்நாடு டாக்டர் ஜே.ஜெயலலிதா இசை மற்றும் கவின் கலை பல்கலைக்கழக இணைவு பெற்று செயல்படுகிறது.
- மத்திய சங்கீத கல்லூரியில் தொடக்கத்தில் குரலிசை, வயலின், வீணை ஆகிய பிரிவுகள் இசையியல் வகுப்புடன் நடைபெற்றது. இதில் சிறந்த தேர்ச்சி பெற்றவர்கள் சங்கீத வித்வான் இரண்டு ஆண்டு பயிற்சியில் அனுமதிக்கப்பட்டனர். பயிற்சிக்கு பின் தேர்வுத்துறை நடத்தும் தேர்வில் பங்கேற்று சான்றிதழ் பெற்றனர். இங்கு பயிற்சி பெற்றவர்கள் இசைக்கலைஞர்களாகவும், இசையாசிரியர்களாகவும் மிளிர்ந்தனர். இக்கல்லூரியில் நாதஸ்வரம், தவில், புல்லாங்குழல், மிருதங்கம், கடம், கஞ்சிரா, முகர்சிங், நட்டுவாங்கம் மற்றும் பரதநாட்டிய பிரிவுகள் தோற்றுவிக்கப்பட்டன. மத்திய, மாநில அரசுகளின் கட்டுப்பாட்டில் இருந்த இக்கல்லூரி பொது அறிவுரைத்துறையின் இயக்குநர் தலைமையில் சிறந்த இசைக்கல்வியாளர்களை உறுப்பினர்களாகக் கொண்ட ஒரு மேலாண்மைக் குழுவின் நிர்வாகத்திற்கு மாற்றப்பட்டது. 1957 ஆம் ஆண்டு மாநில அரசின் முழுப் பொறுப்பில் இக்கல்லூரி கொண்டு வரப்பட்டது. கல்வித்துறையின் அரசு துணை செயலாளர் துறைத்தலைவராக நிர்வகித்தார். கல்லூரி கல்வி இயக்கத்தின் கட்டுப்பாட்டில் இக்கல்லூரி 1980 ஆம் ஆண்டு கொண்டு வரப்பட்டது. தமிழக அரசு கலை பண்பாட்டுத் துறையின் 1991 ஆம் ஆண்டு தோற்றுவித்த பின்னர் தமிழ்நாடு அரசு இசைக்கல்லூரி கலை பண்பாட்டுத்துறையின் கீழ் செயல்பட்டு வருகிறது.
- சந்தியா வந்தனம் சீனிவாசராவ், சங்கீத கலாநிதி திரு.டி.என்.கிருஷ்ணன், டாக்டர். பானுமதி இராமகிருஷ்ணா, டாக்டர் திருப்பாம்புரம் சோ.சண்முகசுந்தரம் ஆகியோர் இக்கல்லூரியின் முதல்வர்களாக பணியாற்றி இக்கல்லூரியினை உயரிய தரத்திற்கு மேம்படுத்தினர்.
- தமிழ்நாடு அரசு இசைக்கல்லூரியில் தமிழகம் மற்றும் பிறமாநிலங்களிருந்தும் அயல் நாடுகளான அமெரிக்கா, மொரீஷியஸ், இலங்கை, ஸ்காட்லாந்த், ஜப்பான், ஆப்பிரிக்கா, இங்கிலாந்து நாடுகளின் மாணவர்களும் இசைக்கல்வி பயின்று பயன் பெற்று வருகிறார்கள்.
பாடப்பிரிவுகள் வருமாறு:
மூன்றாண்டு பட்டயப் படிப்பு :-
| படிப்புகள் | கல்வித் தகுதி | ||
|---|---|---|---|
முதன்மைப்பாடம்குரலிசை
வயலின் / வீணை / புல்லாங்குழல் / நாதசுரம் / தவில் / மிருதங்கம் / கடம் / கஞ்சீரா / முகர்சிங் / பரதநாட்டியம் / நட்டுவாங்கம் / நாட்டுப்புறக்கலை
|
துணைப்பாடம்வயலின் / வீணை / புல்லாங்குழல் / நாதசுரம் / தவில் / மிருதங்கம் / கடம் / கஞ்சீரா / முகர்சிங் / பரதநாட்டியம் / நாட்டுப்புறக்கலை
குரலிசை
|
10ம் வகுப்பு தேர்ச்சி | வயது 16 வயது முதல் 21 வயது வரை |
இரண்டாண்டு பட்டயப் படிப்பு :-
| படிப்புகள் | கல்வித் தகுதி | |
|---|---|---|
| நட்டுவாங்கம் | 10ம் வகுப்பு தேர்ச்சி இசைக்கலைமணி பட்டயம் (பரதநாட்டியம்) / பரதநாட்டியத்தில் பட்டம் |
வயது 16 வயது முதல் 21 வயது வரை |
ஓராண்டு பட்டயப் படிப்பு :-
| படிப்புகள் | கல்வித் தகுதி | |
|---|---|---|
| இசை ஆசிரியர் பயிற்சி | 10ம் வகுப்பு தேர்ச்சி, இளங்கலை இசைப் பட்டம், இசை பட்டயம் (அல்லது) இசையில் இதற்கு நிகரான பட்டயம் | வயது 16 வயது முதல் 21 வயது வரை |
மூன்றாண்டு இளங்கலை( B.A )பட்டப் படிப்பு :-
| படிப்புகள் | கல்வித் தகுதி | ||
|---|---|---|---|
முதன்மைப்பாடம்குரலிசை
வயலின் / வீணை
|
துணைப்பாடம்வயலின் / வீணை
குரலிசை
|
12ம் வகுப்பு தேர்ச்சி அல்லது அதற்கு இணையானது | வயது 17 வயது முதல் 22 வயது வரை |
மாலை நேர இசைக்கல்லூரி :-
| படிப்புகள் | கல்வித் தகுதி | |
|---|---|---|
|
இரண்டாண்டு சான்றிதழ் படிப்புகள் :
குரலிசை
வீணை
வயலின்
மிருதங்கம்
|
எஸ்.எஸ்.எல்.சி தேர்ச்சி பெற்றவர் | 16 வயதிற்கு மேல் |
கட்டணம்
| பட்டயப்படிப்பு | இளங்கலைப்பட்டப்படிப்பு பி.ஏ (இசை) | வங்கி விவரங்கள் |
|---|---|---|
|
கல்விக் கட்டணம் ஆண்டிற்கு - ரூ 325 ( நாதஸ்வரம், தவில் மற்றும் இசை ஆசிரியர் பயிற்சி பிரிவுகளுக்கு படிப்பு கட்டணம் இல்லை)
சிறப்புக் கட்டணம் –ரூ 425
|
கல்விக் கட்டணம் ஆண்டிற்கு - ரூ 1180/-(அயல்நாட்டு மாணாக்கர்களுக்கு ரூ 5350)
சிறப்புக் கட்டணம் ஆண்டிற்கு – ரூ 300
சேர்க்கைக் கட்டணம் - ரூ 10
|
வங்கி எண் - 30022506803
ஐ.எஃப்.எஸ்.சி. - SBIN0001854
வங்கி பெயர் - SBI
கிளை - மந்தைவெளி
|
| விடுதி வசதிகள் |
|---|
| மாணவிகளுக்கான விடுதியில் சைவ உணவு வழங்கப்பட்டு வருகிறது மற்றும் பகிர்மான அடிப்படையில் செலவினம் பகிர்ந்து பெறப்படுகிறது. காப்பீட்டு வைப்பு தொகையாக (Caution Deposit) விடுதியில் அனுமதி பெறும் ஒவ்வொரு மாணவியிடமும் ரூ. 2000 வசூலிக்கப்படுகிறது. வெளிநாட்டிலிருந்து வரும் மாணவியிடமும் காப்பீட்டு வைப்புத் தொகையாக (Caution Deposit) ரூ. 3000 வசூலிக்கப்படுகிறது. மாணவிகள் கல்லூரி விடுதி விட்டு வெளியேறும்போது காப்பீட்டு வைப்புத்தொகை (Caution Deposit) திருப்பித் தரப்படும். |
கல்லூரி வேலை நேரம்
திங்கள் முதல் வெள்ளி வரை- காலை 10 மணி முதல் 4 மணி வரை (மதியம் 1 மணி முதல் 2 மணி வரை மதிய உணவு இடைவேளை)
விடுமுறை - சனிக்கிழமை , ஞாயிற்றுக்கிழமை மற்றும் அரசு விடுமுறை நாட்கள்.
அரசாங்கத்தின் சிறப்பு நடைமுறைகள்
- இக்கல்லூரியில் பயிலும் அனைத்து மாணவ, மாணவியர்களுக்கு கல்வி உதவித் தொகை மாதந்தோறும் வருகைப் பதிவின் அடிப்படையில் ரூ. 500 வீதம் 10 மாதங்களுக்கு ரூ. 5000 வழங்கப்படுகிறது.
- இக்கல்லூரியில் பட்டப் படிப்பு பயிலும் மாணவ, மாணவியர்களுக்கு தமிழக அரசின் இலவச மடிக்கணினி திட்டத்தின் கீழ் மடிக்கணினி வழங்கப்பட்டு வருகிறது
- இக்கல்லூரியில் பயிலும் மாணவ, மாணவியர்களுக்கு தமிழக அரசால் வழங்கப்படும் இலவச பேருந்து பயணச் சலுகை அட்டை வழங்கப்படுகிறது