நீர் என்பது மாநில அதிகாரத்திற்கு உட்பட்டது, கிராமப்புறங்களுக்கு குடிநீர் வழங்துவதில், ஒன்றிய அரசு. மத்திய நிதி உதவி திட்டத்தின் கீழ் மாநிலங்களுக்கு உதவிவருகிறது. 2009-ஆம் ஆண்டுக்கு முன் இந்த உதவி விரைவுபடுத்தப்பட்ட ஊரக குடிநீர்த் திட்டத்தின் (ARWSP) மூலம் மாநிலங்களுக்கு வழங்கப்பட்டது. 2009-ஆம் ஆண்டு முதல் இந்த உதவி தேசிய ஊரகக் குடிநீர் வழங்கல் திட்டத்தின் (NRDWP) மூலம் தொடரப்பட்டது. 12-வது திட்டகாலத்தில், ஒன்றிய அரசு, வீட்டு இணைப்புகளை அதிகரிக்கும் நோக்கத்துடன், கிராமப்புற குடிநீர் வழங்கு நிலையை நாள் ஒன்றுக்கு நபர் ஒருவருக்கு (LPCD) 40 லிட்டர் என்ற அளவிலிருந்து 55 லிட்டராக உயர்த்தியது.

பின்னர், 2019-ஆம் ஆண்டு, தேசிய ஊரகக் குடிநீர் வழங்கல் திட்டம் (NRDWP), ஜல் ஜீவன் மிஷன் என்ற திட்டத்தின் கீழ் இணைக்கப்பட்டு, 2024-ஆம் ஆண்டிற்குள் ஒவ்வொரு கிராமப்புற வீடுகளுக்கும் தொடர்ச்சியாக நாளொன்றுக்கு நபர் ஒருவருக்கு 55 லிட்டர் குடிநீர் செயல்பாட்டு வீட்டு குழாய் இணைப்புகள் (FHTCs) மூலம் வழங்கும் நோக்கத்துடன் செயல்படுத்தப்படுகிறது.

தமிழ் நாட்டில், 01.03.2023 அன்றைய தேதியில் ஜல் ஜீவன் மிஷன் IMIS-ன்படி, 79,396 ஊரக குடியிருப்புகள் உள்ளன. குடிநீர் வழங்கலில் ஊரக குடியிருப்புகளின் குடிநீர் வழங்கு நிலை கீழே கொடுக்கப்பட்டுள்ளது. (இந்த தரவு தற்காலிகமானது மற்றும் வருடாந்திர தரவு புதுப்பித்தலுக்குப் பிறகு மாறலாம்).

படிவம் C17 – கிராமப்புற குடியிருப்புகளின் குடிநீர் வழங்கு நிலை(01/03/2023 அன்றைய தேதியில்)