கரூர் மாவட்டம், அரவக்குறிச்சி மற்றும் க.பரமத்தி ஊராட்சி ஒன்றியங்களில் உள்ள 756 ஊரகக் குடியிருப்புகளுக்கான கூட்டுக் குடிநீர் திட்டம் செயல்படுத்த அரசு ஆணை எண்.201/நாள் 30.11.2020 இல் ரூ.440.63 கோடிக்கு நிர்வாக ஒப்புதல் வழங்கப்பட்டுள்ளது.

இத்திட்டம் ஜல் ஜீவன் நிதி உதவியின் மூலம் செயல்படுத்தப்பட்டு வருகின்றது.

இத்திட்டத்தின் இடைக்கால (2037) மற்றும் உச்சகட்ட(2052) மக்கள் தொகை முறையே 186524 மற்றும் 208659 ஆகும். நாள் ஒன்றுக்கு நபர் ஒருவருக்கு 55 லிட்டர் வீதம் கணக்கிடப்பட்டு இடைக்கால மற்றும் உச்சகட்ட குடிநீர் தேவை முறையே 14.93 மில்லியன் லிட்டர் மற்றும் 16.29 மில்லியன் லிட்டர் வழங்க உத்தேசிக்கப்பட்டுள்ளது

இத்திட்டத்திற்கான நீர் ஆதாரம் காவிரி ஆற்றில் மறவாப்பாளையம், சேமங்கி மற்றும் செவ்வந்திபாளையம் ஆகிய இடங்களில் இருந்து பெறப்பட்டு 376.19 கி.மீ நீளமுள்ள பிரதான நீருந்து குழாய்கள் மூலம் 130 நீருந்து நிலையங்களுக்கு விநியோகம் செய்யப்படும். பின்னர் ஊராட்சி தரைமட்ட நீர் தேக்கத் தொட்டிகளிலிருந்து 741.457 கி.மீ. பிரிவு நீர்உந்து குழாய்கள் மூலம் ஏற்கனவே பயனில் உள்ள 896 மேல்நிலை நீர்த்தேக்கத் தொட்டிகள் மற்றும் புதியதாக அமைக்கப்படவுள்ள 149 மேல்நிலை நீர்த்தேக்கத் தொட்டிகளுக்கு குடிநீர் ஏற்றப்படவுள்ளது,

மேல்நிலை நீர்த்தேக்கத் தொட்டிகளிலிருந்து, 1555.36 கி.மீ நீளமுள்ள பகிர்மான குழாய்கள் மூலம் குடிநீர் வழங்கபட உள்ளது. இத்திட்டத்தின் மூலம் 40502 வீட்டிணைப்புகள் வழங்க உத்தேசிக்கப்பட்டுள்ளது.

இத்திட்டத்திற்கான பணி ஆணை 26.02.2021 அன்று வழங்கப்பட்டு பணிகள் முன்னேற்றத்தில் உள்ளது.

இத்திட்டத்தின் அனைத்து பணிகளும் 07/2023 க்குள் முடிக்கப்பட்டு மக்கள் பயன்பாட்டிற்கு கொண்டு வரப்படும்.

திட்ட விவரம்

 Flow Diagram :

Open

Salient Details

Open