ஈரோடு மாவட்டம் மொடக்குறிச்சி ஒன்றியத்தில் உள்ள 23 ஊராட்சிகளிலுள்ள 442 ஊரகக் குடியிருப்புகளுக்கான கூட்டுக் குடிநீர் திட்டம்

இத்திட்டத்திற்கான நிர்வாக ஒப்புதல் அரசாணை நிலை எண் 201 நாள் 30.11.2020ல் ரூ.412.12 கோடிக்கு வழங்கப்பட்டுள்ளது.இத்திட்டம் ஜல் ஜீவன் நிதி உதவியின் மூலம் செயல்படுத்தப்பட்டு வருகின்றது.

இத்திட்டத்தின் இடைக்கால (2037) மற்றும் உச்சகட்ட(2052) மக்கள் தொகை முறையே 282168 மற்றும் 315629 ஆகும். நாள் ஒன்றுக்கு நபர் ஒருவருக்கு 55 லிட்டர் வீதம் கணக்கிடப்பட்டு இடைக்கால மற்றும் உச்சகட்ட குடிநீர் தேவை முறையே 18.405 மில்லியன் லிட்டர் மற்றும் 20.502 மில்லியன் லிட்டர் வழங்க உத்தேசிக்கப்பட்டுள்ளது.

இத்திட்டத்தில், காவிரி ஆற்றில் நஞ்சைகாளமங்கலம் ஊராட்சியில் உள்ள மணத்தம்பாளையத்தில் இயல்பு நீர் எடுக்கப்பட்டு நீர்சேகரிப்பு கிணறுடன் கூடிய நீர் உந்து நிலையத்தில் சேகரிக்கப்பட்டு 3.52 கி.மீ நீளமுள்ள குழாய்கள் மூலம் நீர் உந்தப்பட்டு புஞ்சைகாளமங்கலம் ஊராட்சியில் அமைக்கப்பட உள்ள 18.41 மில்லியன் லிட்டர் கொள்ளளவு கொண்ட நீர் சுத்திகரிப்பு நிலையத்தில் நீர் சுத்திகரிக்கப்பட உள்ளது. சுத்திகரிக்கப்பட்ட குடிநீர், 116.83 கி.மீ நீளமுள்ள நீர் உந்து குழாய்கள் மூலம் 29(ஏற்கனவே உள்ளது 4 மற்றும் புதியது 25) ஊராட்சி தரைமட்ட நீர் தேக்கத்தொட்டிகளில் சேகரிக்கப்பட உள்ளது.

இத்திட்டத்திற்கான பணி உத்தரவு 26.02.2021 ல் வழங்கப்பட்டு பணிகள் முன்னேற்றத்தில் உள்ளது.

இத்திட்டத்தின் அனைத்து பணிகளும் 07/2023க்குள் முடிக்கப்பட்டு மக்கள் பயன்பாட்டிற்கு கொண்டுவரப்படும்.